اسمع مني المفيد عاهات كتير وتقاليد
المجتمع اجتمع ضد التجديد
ابحث معايا دور ع المستفيد
فكر الناس تعبان عيان ومريض
جنب الحيط بيجيبك ويوديك سيطر عليك
المستفيد هو المتحكم فيك اللي ممشيك
كلامي مش ضد النظام فقط كلامي ضد العبيد كمان
حابسينك جوا نفوخك قضبان السجن خوفك
بتخاف تفكر بحرية لحد يشوفك
فيه حاجات وتساؤلات وعادات بقت عاهات وتقاليد محتاجة تجديد والتاريخ عمال بيعيد
لو مية ألف نظام سقط هنفضل برضه في نفس المكان
فيه حرب ضد الحرية والحرية ممنوعة
طب انزل بالمزيكا سمعهم بالفم المليان
كل العقول الرجعية كلمتهم هي المسموعة
اتربينا علي ان الحيطان ليها ودان
هفضل اغني عن الحريه
لو دي اخر اغنيه ليا
صراع اجيال عالمكشوف
قولوا معايا بصوت عالي
حريه
حريه يعني تغيير
يعني حريه في التفكير و التعبير
حريه يعني اختيارك مش اختيار الغير
اصبح عيني عينك
كلامي دايما بالنسبة لهم فارغ و ممنوع
عاوزينك تمشي علي خط سيرهم
مش خط سيرك
الكبير عاوز يعيش في الماضي وعالحاضر يسيطر
بيفكروني باعلان اسكنشايزر
مهما اتكلم صوتي مسموع
عندنا احلام كتير اديني فرصه أسوق
سيبني أحلم حلم جديد و خارج عن المألوف
مش عاوز امشي في قطيع زي الخروف
قتلتوا فيه الولاء و قفلتوا في وشه الابواب
بلدنا شابة يعني اغلبها من الشباب
قال إيه بيقولوا عليا خايف
أنا كل هدفي أشوف بلادي فوق
الرقم سبعه ممكن يبقي تمانية
لو بصيت عليه م الناحية التانية
لو دي آخر أغنيه ليا
هفضل أغني عن الحرية
الحريه يعني تضحية و اختبار وأنا قد المسئوليه وللآخر هكمل المشوار
قولوا معايا بصوت عالي
حريه
اركن ياض علي جنب و حط أحمر شفايف
عملت ثوره جوايه و لسه مستمرة
غنيت في كل العهود و كنت الصوت ساعة ما يحبوا الدنيا سكوت
الحلم عايش معايا كلمتي لسه حرة
هفضل أغني عن الحرية
أنا مش لوحدي أنا فكرة زي البزره هتدفنوها هتطرح بكرة
عمري ما هبيع أحلامنا و الشهيد اللي سبقنا
الرجاله بحق في السجون ساكنه
خدني علي سجنك خليني أشوف شبابنا
لو دي آخر اغنيه ليا
حرية
قولوا معايا بصوت عالي
