الـكــلــمـات
بقول نسيتها ابص الاقي ف حضني سلسلتها
الاقي كل حاجه بنكرها وجعي ف بعدها يثبتها
وياريتها ع الاقل تكون بعاشقها حاسه
اتمنى تفضل فاكره اني مبقدرش انسى
يا نجمه مونساني روحتي فين ارجعي
يابنت قلبي التاني سيبتي ليه حضن منبعي
هيجيلك نوم من غيري ده احنا الاتنين خايبين
قوليلهم انك راجعه وان انا وانتي مش خايفين ..
بعدتي يعني صدقوا ان انتي خلاص هتمشي
يعني بكره لما يقولو مين مش هتقولي بنتي
بتوحشيني ياللي انتي بتقولي كرهتيني
لو كنتي من الغايبين في كل حلم ليه بتجيلي
فارقتي واقعي بس لحلمي متفارقيش
كداب لو قولت نسيت مجنون لو قولت هعيش
اقفل عليك الدايره اخرج منهم وارجعلك
لو شيلت نفسك من وسطهم هتلاقيني بسمعلك
بطل تمسك وتسلم بطل تكتم واتكلم
صوت ضحكها العالي مش هيحسسها بقلب إتألم
لو كنت مريض اتعالج انشف وخليك بارد
امسك ايديها البارده ب ايد تحسسها انك مارد
ماشوفتش غيرها ليه علشان واقفه ف الزاويه
بعد الاوجاع وهسمعك تقول كانت ناويه
وبعدنا يومين ماتت والتالت ولا ف بالها
هنساها هانت كل كلامي هيزعلها
حقك عليا يا انا ملعون ابو ضلع انتمى
كل بنت فتره ومده ومفيش مده تزيد عن سنه
وجع فوق وجع فين يكون وجعي الاخير
ده انا يوم ماقولت الحق لاقيته بيزعل كتير
بما ان سكوتي منبعي لو كنتي عاميه اسمعي
لو وسط ضلمه بدون نهار لا انتي نجمه المعي
البعد حكم القوي مريضك اصبح سوي
يوم ماتموتي فوق تربتك هكتب شايل منك اوي
حبك مش معدي اعدامك مش مميت
لو كنتي ف يوم رجعتي كنتي هتلاقيني نسيت
سيبتك لغيري شبه وصيه لحد ورث
كنت اتمنى نفضل حبه بس ياشابه وقتك خلص
مش بزعل غير ع الغالي انا بس زعلت عشاني
اتمنى ف عمري الجاي مقعش ف واحده زيك تاني
الثانيه ف بعدك فتره الدمعه ف. بعدك مطره
كدابه لما قولتي انك ف بعدي تعيشي عاذره
انا ياما شبعت سهر انا ياما قلبي اتقهر
عايزك يوم فرحكوا بس تبقي زي القمر
ياناس ياللي انتو كنت اتمنى بكره اشوفكو احسن
اتمنى اشوف ضحكتكو كل لحظه فيها هحزن
امشوا وربنا يسعدكوا ربنا حبني فابعدكوا
الحوت مغفل لسه فاكر الموجه بلعت بنته
لو كان فهم غيابها وان ايديها فارقت زعانفه
كان رغم قوة قلبه برضه مات رغما عن انفه
كان نفسي نبعد لو بعدنا متقطعيش الجرعه
مش هقولك افضلي فاكره بس بلاش اتنسي بسرعه
كله سابني كل واحد له الف سابقه
حتى اللي لسه مكانهم دول فاضلين جنبي شفقه
خليك جوا زنزانتك لو مش مالي خانتك
محدش فاهم قد ايه مهمه مكانتك
انا غلبان بيدوروا عليكي ف الناس
كل القلوب سايعاه بس قلبه اصغر مقاس..
يا نبض قلبي لو واحشتك اوعي تخبي
حبي غيري براحتك بس اوعي تحبي قدي
علشان متخساريهوش او متبعدوش وبعد البعد اوعاكي تقولي ناس مبيحسوش
ومتحكيلوش ع حاجه بينا ولا ع اني بعاني
انتي اللي اخترتي يظهر بيكي مجنون ليلى تاني
هكتب عنك واحكيلهم والله لافضل اغنيلهم
انا راجع جوا الدايره انا ولا منك ولا انا منهم
بعتيني ليه؟
هأ .. مش مهم اتمتعي
انا اكتر واحد عارف انك مستحيل ترجعي
.. مستحيل ترجعي
ليست هناك تعليقات:
الي التعليقات